A Fabrikle, des dr Inhaber au selber führa duat ond mittla dren en Süddeutschland em schwäbischa Notzinga am Rand von d'r Alb.

D'r Gründer von dem Fabrikle, d'r Karl Voltz hot des mit derra muggasegglgnaua Präzision scho en d'r Lehr en Esslinga bei dr Messmittlfabrik Mahr glernt ond au glei zom omsetza gwisst. Wie d'r Karle fertig war mit derra Lehr, isch er zur Firma Traub noch Reichabach ganga ond hot dort d'r Omgang mit denne Drehautomata glernt, die wo dort baut worda send. 

Anno 1949 hot sich d'r Karl Voltz, nochdem er sei Meischterprüfong erfolgreich beschdanda hot, en ma Keller en Reichabach als Automata- ond Revolverdreher selbstschdändig gmacht. Durch den Aufschwong noch em Kriag isch des Fabrikle emmer weiter gwachsa bis er no em Johr 1963 a Fabrikhalle en Reichabach baut hot, wo bis zwoidausatfuffzeah d’Produktio ond d'r Firmasitz von d'r Karl Voltz GmbH gwäsa isch. 

En de Achtz’ger Johr isch sei Schwiegersohn, d'r Günter Loeffler mit en d’ Firma eigschdiega ond die erschte NC Maschena send kauft worda. D'r Günter Löffler hot na au dui Gschäftsführung übernomma, als d'r Firmagründer Karl Voltz 1991 verstorba isch.
 Seit 2007 hot d'r Roland Heinsch, der bis do no bei d'r Robert Bosch GmbH gwä isch, die Gschäftsführung von d'r Karl Voltz GmbH.

2015 isch m'r nach Notzinga omzoga, weil m'r da a bar neie G'schäftrsaim kauft hat. Uff ma halba Hektar schwäbischa Boda macha m'r heit, nach fascht 70 Jahr seit d'r Gründung, uff moderne CNC-Maschena Präzisionsdreh- ond Fräsdoil en de onderschiedlichschte Matrial für 'd onderschiedlichschte Branscha wia Automotiv, Medizintechnik, Flugzeig- ond Maschenabau, aber au Elektronik, Freizeitinduschtrie ond viele meh.